اگر کسی شخص کو ہوا میں چار زانو بیٹھا ہوا دیکھو بھی تو اس کی پیروی اس وقت تک نہ کرو جب تک کہ خدا کے امر و نہی میں اس کا عمل درست نہ پا لو۔

اور جب خدا مرید کی بھلائی چاہتا ہے تو اس کو صوفیوں کی طرف پہنچاتا ہے اور مولویوں کی صحبت سے روک دیتا ہے۔

تصوف خدا کے ساتھ ’’صاف معاملہ رکھنا ہے‘‘ اور اس کی اصل ’’دنیا سے پھر جانا ہے‘‘۔

جب تم صوفی کو اپنے ظاہر کی پرداخت کرتے دیکھو تو سمجھ لو کہ اس کا باطن خراب ہے۔

جب تم فقیر کو دیکھو تو ابتدا اس سے علم کی گفتگو نہ کر بلکہ ’’نرمی‘‘ کے ساتھ باتیں کرو، کیوں کہ علم سے اس کو وحشت اور نرمی سے موانست ہوتی ہے۔