شکرگزاری انعامات کا ادراک نہیں بلکہ دینے والے کا ادراک ہے۔

استقامت کا مطلب یہ ہے کہ ہر لمحے کو اس طرح جیو گویا وہ قیامت کا لمحہ ہو۔

صوفیہ خدا کی گود میں کھیلتے ہوئے بچے ہیں، تصوف ایک چمکتی ہوئی بجلی کی لپک ہے اور تصوف خلق سے بے نیاز ہو جانے کا نام ہے۔

عارف کے لیے کوئی وابستگی نہیں، عاشق کے لیے کوئی شکوہ نہیں، بندے کے لیے کوئی دعویٰ نہیں، خداترس کے لیے کوئی سکون نہیں اور کسی کے لیے بھی خدا سے فرار ممکن نہیں۔

محبت کو محبت اس لیے کہا جاتا ہے کہ وہ دل سے محبوب کے سوا ہر چیز کو مٹا دیتی ہے۔