السلام اے فخر_انساں السلام

السلام اے فخر انساں السلام

نازش ناز رسولاں السلام

اے سراپا شرح قرآں السلام

السلام اے عین ایماں السلام

یاد تو بس راحت جاں السلام

درد تو خود عین درماں السلام

السلام اے چارۂ بیچارگاں

اے سکون درد منداں السلام

ذکر تو بس مونس و غم خوار ما

حب تو بنیاد ایماں السلام

اے کہ درد لا دوا را تو دوا

چارہ ساز ما غریباں السلام

رحمت عالم شفیع عاصیاں

دست امت را نگہباں السلام

جلوہ فرما در شب رویا ما

اے دوائے درد ہجراں السلام

خواب را تو خواب شیریں کردہ ای

اے جمال روئے تاباں السلام

اے مکین گنبد خضریٰ مدد

بشنو از من آہ و فغاں السلام

السلام اے سرور کون و مکاں

السلام رحمت ہر دو جہاں

عاصیاں وابستۂ دامان تو

اے پناہ ما غریباں السلام

کن نظر یا رحمت اللعالمیں

صدقۂ شاہ شہیداں السلام

حال زار امت عاصی ببیں

اے سراپا لطف و احساں السلام

اے زہے قسمت کہ تو بر ما حریص

جان عارف در تو قرباں السلام

السلام اے رحمت اللعالمیں

السلام اے نور رب العالمیں

السلام اے آفتاب لم یزل

السلام اے ماہتاب بے بدل

السلام اے افتخار دو جہاں

السلام اے عزت کون و مکاں

السلام اے زینت عرش بریں

السلام اے رونق فرش زمیں

السلام اے مظہر انوار حق

السلام اے مظہر اسرار حق

لطف نے تیرے بلایا ہے یہاں

ورنہ اپنی ایسی تھی قسمت کہاں

کیا ہی خوش ایام یہ ایام ہیں

آپ کے در پر جو صبح و شام ہیں

با ادب ہو کر ترے دربار میں

عرض کرتے ہیں تری سرکار میں

الصلٰوۃ والسلام کی صدا

اور کبھی صل علیٰ صل علیٰ

پھر ترے صدیق اکبر پر سلام

حضرت فاروقؓ پر پھر صد سلام

السلام اے یار غار مصطفیٰ

السلام اے راز دار مصطفیٰ

السلام اے مرکز پرکار عشق

السلام اے قافلہ سالار عشق

السلام اے عمر بر گردوں رکاب

السلام اے افضل ابن خطاب

السلام اے شوکت اسلام و دیں

السلام اے سطوت شرح مبیں

السلام اے سیدہ زہرا بتول

السلام اے قرة عین رسولؐ

السلام اے فرح قلب نور عین

السلام اے مادر حسن و حسین

یا محمدؐ آسرا ہے آپ کا

اور کوئی بھی نہیں ترے سوا

چومنا قدموں کا تیرے اے حبیب

پھر بھی ہو جائے غریبوں کو نصیب

اپنے در پر پھر ہمیں بلوایئے

سبز‌ گنبد پھر ہمیں دکھلائیے

آنا جانا ہو تیرے دربار میں

عرض ہم کرتے رہیں سرکار میں

پھر دکھانا روئے زیبا یا نبی

پھر میرے اعمال دھل جائیں سبھی

ہے طرح فرمان الطالح لی

عاصیوں کا آسرا ہے بس یہی

رحم کر رحم اے کریم بے کساں

آپ ہی ہیں پردہ پوش عاصیاں

گو برے ہیں یا بھلے جیسے ہیں ہم

سگ ترے ہی در کے کہلاتے ہیں ہم

پیش حق با ناز محبوبی بگو

نامۂ عصیان ایں عاصی بگو

کس زباں سے الوداع کا نام لوں

الوداع کے بعد پھر صدمے سہوں

الفراق الفراق الفراق

الفراق الفراق الفراق

الوداع آرام گاہ مصطفیٰ

الوداع اے بارگاہ مصطفیٰ

الوداع اے حاکم روح امیں

الوداع اے سبز‌ گنبد کے مکیں

الوداع رشک زمرد الوداع

الوداع اے سبز‌ گنبد الوداع

نور سے معمور جالی الوداع

شان ہے تیری نرالی الوداع

الوداع صدیق اکبر الوداع

الوداع فاروق اعظم الوداع

الوداع اے قصر احمد الوداع

الوداع محراب و منبر الوداع

الوداع اے باب رحمت الوداع

الوداع اے راہ جنت الوداع

الوداع خدام احمد مجتبیٰ

الوداع ابواب احمد مجتبیٰ

استن حنانہ و جبل احد

عاشقان خاک محبوب احد

الوداع اے پاک طیبہ الوداع

رحمت عالم کے خطبہ الوداع

اب عنایت سے اجازت دیجئے

اور دعا حق میں ہمارے دیجئے

پھر کرم کی مجھ پہ ہو جائے نگاہ

پھر ترا مشتاقؔ ہو اور تیری راہ