اے جوانو! پیری سے پہلے آخرت کے لیے کچھ کام کر لو، کیوں کہ ضعیف ہو کر پھر کچھ نہ کر سکو گے۔

جو خدا کا مطیع ہوتا ہے سب چیز اس کی مطیع ہو جاتی ہے۔

حسنِ ادب ‘‘عقل کا ترجمان ہے‘‘ جو ادب کو اختیار کرتا ہے، وہ مرد کامل کے درجہ کو پہنچ جاتا ہے اور جو ادب سے محروم رہے وہ مقام قرب سے دور اور مقام قبول سے مردود ہوتا ہے۔

سب سے زیادہ قوت یہ ہے کہ تو اپنے نفس پر غالب رہے، اس کی کوئی بُری خواہش تجھ پر غلبہ نہ پا سکے۔

مؤمن سے محض شک و شبہ کی بنا پر علیٰحدہ نہیں ہونا چاہیے حتیٰ کہ تو ظاہر طور پر اس کا گناہ نہ دیکھ لے۔