دارم دلے اما چہ دل صد گونہ حرماں در بغل

میرے پاس دل تو ہے لیکن کس کام کا، سیکڑوں محرومیوں سے بھرا ہوا، خون آلود انکھیں آستین میں چھپی ہیں، اشک اور طوفان زیر بغل ہے۔

یارب مجھ کو کوئے قاتل سے ثابت قدمی کے ساتھ گزار دے، میں تو سر بگریباں (سر جھکائے ہوئے) اور اس کی بغل میں ننگی تلوار ہے۔

کوئ قاصد اس کے کوچے سے آۓ، تا کہ اس کے قدموں کے نزر کرنے کے لۓ میری آنکھوں سے ہر ایک اشک کا بچہ جان پہلو میں لۓ دوڑ پڑے۔

باد صبا صبح کو جب تیرے راستے سے گزرتی ہے، تو باغِ گل تک پہنچتی ہے اور پھول اور کلیاں چھپ کر تیری خوشبو کو گلے لگا لیتے ہیں۔

قیامت کے دن ہر شخص کے ہاتھ میں اس کا نامۂ عمل ہوگا، میں بھی حاضر ہوں گا اس حال میں کہ تصویر جاناں بغل میں ہوگی۔

ادائے معشوقانہ کے تیر پر مجھ کو ناز ہے کہ جس کے آزار کی لذت نے دل کے زخموں سے بھی تیر ادا کی نوکیں چرالیں اپنی بغل میں (یعنی رہ رہ کر کسک ہوتی ہے)۔

صبحِ صادق میں، اپنا حجاب یا پردہ چہرے سے ہٹا دو تاکہ حیا سے چمکتا سورج صبح کی روشنی میں جاویداں ہو جاۓ۔