ایک ہے اللہ یہ بتلا گیے شاہ امم
ایک ہے اللہ یہ بتلا گیے شاہ امم
پرچم حق دہر میں لہرا گیے شاہ امم
کذب کا، کذاب کا، جگ سے صفایا ہو گیا
صدق کی بو میں بسا دنیا گیے شاہ امم
منزل مقصود کی جانب قدم ہوگا ترا
اس پہ قائم رہ کہ جو فرما گیے شاہ امم
جتنی دیواریں کھڑی تھیں فرش پر الحاد کی
تیشۂ حق سے سبھی کو ڈھا گیے شاہ امم
صرف مکہ اور مدینہ طیبہ ہی میں نہیں
چپے چپے میں جہاں کے چھا گیے شاہ امم
وہ رسولوں میں کسی کو مرتبہ حاصل نہیں
اللہ اللہ مرتبہ جو پا گیے شاہ امم
آمنہ بی بی مبارک ہو، تمہاری گود میں
سر سے پا تک نور بن کر آ گیے شاہ امم
اپنی شہزادی کو اپنے جسم کا ٹکڑا کہا
کر کے ہر بیٹی کا سر اونچا گیے شاہ امم
غم میں ان کا نام میں نے جب کبھی نازاںؔ لیا
جال سے غم کے رہا فرما گیے شاہ امم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
