بوقت امتحاں محشر میں جب میخوار آئیں گے

بوقت امتحاں محشر میں جب میخوار آئیں گے

سند بخشش کی لے کر خود میرے سرکار آئیں گے

ہمارے مدرسے میں جو پڑھاتے ہیں دکھاتے ہیں

اگر خواہش ہے تو خود طالبِ دیدار آئیں گے

اگر معلوم ہو جائے کہ کتنے سر پھرے ہیں ہم

رشتے قبر میں دو کی بجائے چار آئیں گے

سکونِ دل کی خواہش ہے تو میخانے میں آ بیٹھو

اسی بیٹھک میں بخشش کے نظر آثار آئیں گے

اگر ہے ظرف تو راہِ محبت میں قدم رکھنا

کئی اک مرحلے اس راہ میں دشوار آئیں گے

تصوف کا یہ میخانہ شفا خانہ بنا رضواںؔ

دوا جس کی نہیں ایسے یہاں بیمار آئیں گے