کبھی تو چھٹے گا فضا سے اندھیرا کبھی تو مدھر چاندنی رات ہوگی

کبھی تو چھٹے گا فضا سے اندھیرا کبھی تو مدھر چاندنی رات ہوگی

کبھی تو جلیں گے چراغ محبت اسی روز ان سے ملاقات ہوگی

اگر دمبدم وہ ہمیں یاد آئیں شب غم کی تاریک تنہائیوں میں

تو بکھریں گی زلفیں تو چھائیں گے بادل جو ٹپکیں گے آنسو وہ برسات ہوگی

غضب ہے ادھر میری جاں پہ بنی ہے ادھر ان کے پاؤں میں مہندی لگی ہے

اگر ایسے عالم میں بھی تم نہ آئے تو کیا حشر کے دن ملاقات ہوگی

مریض محبت کا ہے وقت آخر خدا کے لیے اب چلے بھی تو آؤ

اگر تم نہ آئے اے جان مسیحا تو یہ رات پھر آخری رات ہوگی

جدائی کے لمحے قریب آ گئے ہیں ستاروں کے دل ڈوبتے جا رہے ہیں

ادھر آؤ تم کو گلے سے لگا لوں خدا جانے پھر کب ملاقات ہوگی

یہ دنیا دو رنگی عجب عشق کی باتیں اگر پیار مانگو تو حسرت ملے گی

چمن زندگی کے ہزاروں کھلیں گے مگر ایک دل کی کلی نہ ملے گی

فضا چپ گھٹا چپ زمیں آسماں چپ چمن چپ کلی چپ ہیں اور کہکشاں چپ

ادھر وہ بھی چپ ہیں ادھر میں بھی چپ ہوں الٰہی میری رات کیسے کٹے گی

کہیں گیت گونجے گی شہنائیوں کے کہیں آہ و زاری کہیں شور ماتم

کسی کا کہیں سے جنازہ اٹھے گا کسی گھر سے دولہن کی ڈولی اٹھے گی

لگے ہر قدم پر حسینوں کے میلے کسی نے کبھی مقبولؔ اتنا نہ پوچھا

کہاں جا رہے ہو اکیلے اکیلے رہ زندگی یوں نہ تنہا کٹے گی