وجہ ناراضی تری اے مہرباں کھلتی نہیں

وجہ ناراضی تری اے مہرباں کھلتی نہیں

میرے بھی دل ہے مگر میری زباں کھلتی نہیں

سد آزادی ہے قید شکل انسانی مجھے

مجھ پہ یہ پوشاک اب اے رازداں کھلتی نہیں

تو ٹھہرتا ہے تو ہو جاتی ہے دوبھر زندگی

تیری کیفیت بھی اے درد نہاں کھلتی نہیں

ہائے کس سے پوچھئے روداد قتل عاشقاں

اے تری وہ آنکھ جس کی داستاں کھلتی نہیں

منتظر ہوں میں کہ شاید کچھ مجھے تسکین دے

سن کے میرا حال چشم راز داں کھلتی نہیں

ایک دم بھاتی نہیں بے سوز بزم حسن گل

برق آ بیٹھے اگر بلبل نشیمن میں نہیں

مجھ کو غیرت ہے کہ کیوں ملزم ہے حسن بے زباں

برق میں کیا چیز ہے ایسی کہ خرمن میں نہیں

دل میں بے کیفی ہے یوسف کے جو دامن چاک‌ ہے

دل میں وہ کچھ ہے زلیخا کے جو دامن میں نہیں

میرے دل کا حال تم خلوت میں چل کر پوچھنا

بزم دشمن کی شکایت بزم دشمن میں نہیں