wajh-e-naraazi teri ai mehrban khulti nahin

vaj.h-e-nārāzī tirī ai mehrbāñ khultī nahīñ

mere bhī dil hai magar merī zabāñ khultī nahīñ

sadd-e-āzādī hai qaid-e-shakl-e-insānī mujhe

mujh pe ye poshāk ab ai rāz-dāñ khultī nahīñ

tū Thahartā hai to ho jaatī hai dūbhar zindagī

terī kaifiyat bhī ai dard-e-nihāñ khultī nahīñ

haaye kis se pūchhiye rūdād-e-qatl-e-āshiqāñ

ai tirī vo aañkh jis kī dāstāñ khultī nahīñ

muntazir huuñ maiñ ki shāyad kuchh mujhe taskīn de

sun ke merā haal chashm-e-rāz-dāñ khultī nahīñ

ek dam bhātī nahīñ be-soz bazm-e-husn-e-gul

barq aa baiThe agar bulbul nasheman meñ nahīñ

mujh ko ġhairat hai ki kyuuñ mulzim hai husn-e-be-zabāñ

barq meñ kyā chiiz hai aisī ki ḳhirman meñ nahīñ

dil meñ be-kaifī hai yūsuf ke jo dāman chaak hai

dil meñ vo kuchh hai zulaiḳhā ke jo dāman meñ nahīñ

mere dil kā haal tum ḳhalvat meñ chal kar pūchhnā

bazm-e-dushman kī shikāyat bazm-e-dushman meñ nahīñ

wajh-e-naraazi teri ai mehrban khulti nahin

mere bhi dil hai magar meri zaban khulti nahin

sadd-e-azadi hai qaid-e-shakl-e-insani mujhe

mujh pe ye poshak ab ai raaz-dan khulti nahin

tu Thaharta hai to ho jati hai dubhar zindagi

teri kaifiyat bhi ai dard-e-nihan khulti nahin

haye kis se pūchhiye rudad-e-qatl-e-ashiqan

ai teri wo aankh jis ki dastan khulti nahin

muntazir hun main ki shayad kuchh mujhe taskin de

sun ke mera haal chashm-e-raaz-dan khulti nahin

ek dam bhati nahin be-soz bazm-e-husn-e-gul

barq aa baiThe agar bulbul nasheman mein nahin

mujh ko ghairat hai ki kyun mulzim hai husn-e-be-zaban

barq mein kya chiz hai aisi ki KHirman mein nahin

dil mein be-kaifi hai yusuf ke jo daman chaak hai

dil mein wo kuchh hai zulaiKHa ke jo daman mein nahin

mere dil ka haal tum KHalwat mein chal kar puchhna

bazm-e-dushman ki shikayat bazm-e-dushman mein nahin