اگر تو خدا پر ہر حال میں راضی ہو تو سمجھ لے کہ خدا بھی تجھ پر راضی ہے۔

جو خدا سے دوستی رکھتا ہے اسے نفس سے دشمنی ضرور کرنی پڑتی ہے۔

جو خدا سے شرم رکھتا ہے اور فرائض کو بجا لاتا ہے خدا اس کو اس کے گناہوں کے سبب عذاب دینے سے شرم رکھتا ہے۔

عقل مند تین شخص ہوتے ہیں، پہلا وہ جو دنیا کو صرف خدا کے لیے ترک کرے، دوسرا وہ جو اس کے روبرو پیش ہونے سے پہلے خدا کو راضی کرے اور تیسرا وہ جو قبر میں جانے سے پیشتر سامانِ قبر مہیا کرے۔

یہ بڑی بے وقوفی ہے کہ انسان آگ اور کانٹوں کے بیچ بوئے اور امید رکھے کہ پھول کھلیں گے۔