لوگوں کے لیے غائبانہ دعا کرنا ان کی ملاقات سے بہتر ہے، کیوں کہ اس میں کبھی نمائش اور کبھی ریا پیدا ہو جاتا ہے۔

میرے رب کا ذکر بلند ہے، سب سے زیادہ حق اس کا قول ہے، سب سے زیادہ سچی بات اس کی بات ہے، سب سے زیادہ اچھا کلام اس کا کلام ہے۔

موت کو یاد رکھو بہت جلد آنے والی ہے اور امید کو کوتہ کرو کہ جینا بہت کم ہے۔

گناہ خواہ کتنا ہی کم کیوں نہ ہو اسے چھوٹا نہ سمجھو، جس نے گناہ کو چھوٹا جانا اس نے خدا کو چھوٹا جانا۔

میں نے بلند طلب کی تو اسے تواضع میں پایا، ریاست طلب کی تو اسے صحبت میں پایا، مروت کو طلب کیا تو اسے صدق میں پایا، فخر کو طلب کیا تو اسے فقر میں پایا، خدا کو طلب کیا تو اسے تقویٰ میں پایا، شرف کو طلب کیا تو اسے قناعت میں پایا، راحت کو طلب کیا تو اسے زہد میں پایا۔

جو شخص تین چیزوں کو دوست رکھتا ہے، شیطان اور دوزخ اس کی گردن پر سوار ہوتا ہے اور وہ یہ ہے کہ لذیذ کھانا کھاتا ہے کہ خوب پیٹ بھرے، لباسِ فاخرہ زیبِ تن کرتا ہے اور دولت مند غافلوں کی مجلس میں بیٹھتا ہے۔

سلامتی تنہائی میں ہے کہ اللہ کا ذکر اس کا ہم نشیں ہو۔