تواضع سے افضل بندگی کا کوئی لباس نہیں جو تواضع کا خزانہ حاصل کرتا ہے وہ ہر شخص کے سامنے اپنی اصل حیثیت کو قائم رکھتا ہے اور خود بھی ہر ایک کو اس کے صحیح رتبہ پر برقرار رکھتا ہے۔

صوفیائے کرام کی مزید اخلاقی خصوصیت یہ ہے کہ وہ دنیا کی تھوڑی چیز پر قناعت کرتے ہیں۔

صوفیہ کا ایک اخلاقی وصف ایثار ہمدردی بھی ہے، اس کام پر ان کی قدرتی رحم و شفقت اور قوتِ ایمانی انہیں آمادہ کرتی ہے، وہ موجود چیز کو قربان کر دیتے ہیں اور گم شدہ چیز پر صبر کرتے ہیں۔

صوفیہ کا دوسرا اہم اخلاق ’’فعل تحمل و مدارات ہے‘‘ وہ مخلوق کی اذیت کو بخوشی برداشت کرتے ہیں۔

صوفیہ کے اخلاق کی ایک نمایاں خصوصیت سادگی اور بے تکلفی ہے، تصوف کا اصل مفہوم یہ ہے تکلف کو چھوڑ دیا جائے کیوں کہ تکلف ہی تنزل ہے اور اس کی وجہ سے انسان مخلص بندوں کی راہ سے پیچھے رہ جاتا ہے۔