اگر آٹھوں جنتیں ہمارے گوشے میں جلوہ گر ہوں اور دنیا کی سلطنت ہمارے ہاتھ میں ہو، تب بھی ہم اس ایک آہ کو ترک نہ کریں گے جو سحر کے وقت دل کی گہرائی سے یادِ الٰہی میں شوق کے مارے نکلتی ہے۔

جب میں نے دنیا کو اپنا دشمن جانا اور رب کی طرف متوجہ ہوا، تو اس کی محبت نے مجھے اس قدر گھیر لیا کہ میں خود اپنا دشمن بن گیا۔

میں نے دنیا سے تین بار بُعد اختیار کیا اور تنہا تنہا اس ذات کی طرف روانہ ہوا، میں حضورِ حق کے سامنے کھڑا ہو کر رویا کہ “اے رب! میری خواہش صرف تُو ہے، اگر تُو میرے پاس ہے تو میرے پاس سب کچھ ہے” جب خدا نے میری صداقت پہچانی تو پہلی عنایت یہ ہوئی کہ اس نے میرے سامنے نفس کے فضلے کو ہٹا دیا۔

کسی نے پوچھا یہ معرفت تم نے کیسے پائی؟ کہا کہ بھوک سے بے تاب پیٹ اور ننگے بدن سے

خدا کے ولی اس کے عروس ہیں اور عروسوں کو سوائے اہلِ خاندان کے کوئی نہیں دیکھتا، وہ قربِ الٰہی کے پردوں میں مستور رہتے ہیں، نہ دنیا میں کوئی انہیں پہچانتا ہے، نہ آخرت میں۔