اے میرے رب! میرے باطن میں نور بڑھا دے، مجھے سراپا نور بنا دے اور میرے وجود کو روشن کر دے۔

بندہ حقیقتِ توحید کا یقین اسی وقت پاتا ہے جب اسے معرفت نصیب ہوتی ہے، کیوں کہ معرفت ہی وہ دروازہ ہے جس سے وحدتِ حق کا جلوہ آشکار ہوتا ہے۔

زہد وہ کیفیت ہے جو بندے کی روح کو دنیا سے کاٹ کر آخرت کی طرف متوجہ کرتی ہے، حقیقی زہد یہ ہے کہ دنیاوی خیالات کو دل سے بالکل نکال دیا جائے اور انہیں محض ایک سراب اور فریب جانا جائے، یہی زہد آخرکار بندے کو دوستیٔ حق کے مقام تک لے جاتا ہے۔

محبت ہی وہ چراغ ہے جو اسرارِ الٰہی کا در کھولتی ہے، جو حق میں فنا ہو جاتے ہیں، صرف اسی کو دیکھتے اور اسی میں ٹھہرتے ہیں، وہ اپنے رب کے سب سے زیادہ قریب ہوتے ہیں اور انہیں بے نقاب دیدار عطا ہوتا ہے، وہ عین الیقین کی آنکھ سے اسے دیکھتے ہیں۔

معرفت درحقیقت وہ نور ہے جو حق تعالیٰ بندے کے دل میں القا فرماتا ہے، جب عاشق، راز و نیاز کے ذریعے اپنے محبوبِ حقیقی سے لخت لخت ملتا ہے، تب جا کر اسے سچی معرفتِ الٰہی حاصل ہوتی ہے۔