جو حق بات کہنے سے رُکتا ہے، وہ گونگا شیطان ہے۔

سخاوت یہ نہیں کہ مالدار غریب کو دے بلکہ سخاوت تو یہ ہے کہ غریب، دولت مند کو دے۔

جب گناہ گار روتا ہے تو وہ خدا کے ساتھ رابطۂ بندگی کا آغاز کرتا ہے۔

خواہش دل میں ایک دردناک جذبہ ہے جو دل میں ٹیس بن کر محسوس ہوتی ہے، یہ باطنی حسوں میں ایک شدت کا جذبہ پیدا کرتی ہے، اندرونی وجود میں بے چینی کی خواہش ہوتی ہے اور دلوں میں آگ لگتی ہے۔

وہ درخت جو خود رو ہوتا ہے اس میں اول تو پھل ہی نہیں آتے اور اگر آتے بھی ہیں تو بے مزہ ہوتے ہیں، خدا کی یہ سنتِ جاریہ ہے کہ کوئی نہ کوئی سبب موجود ہو، جس طرح ظاہری توالد و تناسل بغیر ماں باپ کے حاصل نہیں ہوسکتا اسی طرح معنوی توالد بھی بغیر مرشد کے مشکل ہے۔