ابھے کمار 15 جنوری 1948ء کو میرٹھ کے معروف قانون داں چترسین گپتا کے گھر پیدا ہوئے، ابتدائی تعلیم سردھنہ میں حاصل کی جبکہ اعلیٰ تعلیم میرٹھ کالج سے مکمل کی، جہاں سے بی اے اور ایل ایل بی کی اسناد حاصل کیں، عملی زندگی میں وہ ہارڈویئر کے کاروبار سے وابستہ رہے، تاہم تجارتی مصروفیات کے باوجود ادب سے ان کا تعلق ہمیشہ استوار رہا، وہ متعدد علمی و ادبی تنظیموں سے وابستہ رہے اور اردو زبان و ادب کے فروغ میں بھی سرگرم کردار ادا کرتے رہے، ان کے شعری مجموعے ہندی رسم الخط میں شائع ہوئے، اگرچہ انہوں نے مختلف اصنافِ سخن میں طبع آزمائی کی، تاہم نعت گوئی سے انہیں خصوصی شغف تھا۔