من و صلاح و سلامت کس ایں گماں نبرد

میں اور نیکی اور سلامتی، یہ گمان کوئی نہیں کرتا اس لیے کہ

شراب خانہ کے رند کے بارے میں اس کا گمان کوئی نہیں کرتا

میں نے اون کی یہ گدڑی اس لیے اختیار کی ہے

کہ گدڑی میں چھپا کر میں شراب لے جاتا ہوں، کوئی گمان نہ کرے

اے فقیہِ زمانہ علم اور عمل پر غرور نہ کر

اس لیے کہ کوئی شخص خدا کی تقدیر سے جان نہیں بچا سکتا ہے

رنگ اور بو پر فریفتہ نہ ہو اور پیالہ پی، اس لیےکہ تیرے دل کے غم کے زنگ کو پیرِ مغاں کی شراب کے علاوہ اور کوئی چیز صاف نہیں کرسکتی

اے پھول اگر چہ آنکھ تیری نگہبان ہو

ہوش رکھ کہ تیری نقدی نگہبان ہی نہ لے جائے

میں کمزور کس طرح تیرا غم برداشت کروں

کہ تیرے ہجر کا بوجھ یہ کمزور جان برداشت نہیں کرسکتی

اے حافظؔ سخنداں کے سامنے بات نہ کر اس لیےکہ موتی اور

گوہر کا تحفہ، سمندر اور کان کے پاس کوئی نہیں لے جاتا ہے