دل سرا پردۂ محبت اوست

دل اس کی محبت کا خیمہ ہے

آنکھ اس کے چہرے کی آئینہ دار ہے

میں جو کہ دونوں جہاں کے سامنے سر نہیں جھکاتا

میری گردن اس کے احسان کی زیربار ہے

اگر میں آلودہ دامن ہوں تو کیا تعجب ہے

اس کی پاکدامنی کا سارا عالم گواہ ہے

اس حرم میں میں کون ہوتا ہوں، اس لیےکہ صبا

اس کی حرمت کے حریم کی پردہ دار ہے

عاشقی کا ملک اور مستی کا خزانہ

جو کچھ میرے پاس ہے اس کی توجہ کی برکت سے ہے

خدا کرے نگاہ کا منظر اس کے خیال کے بغیر نہ ہو

اس لیے کہ یہ گوشۂ خاص اس کی دولت ہے

مجنوں کا دور گزر گیا اب ہمارا دور ہے

ہر شخص کا کچھ دن کے لیے دور ہے

میں اور دل اگر فنا ہو جائیں تو کیا پرواہ ہے

مقصد تو درمیان میں اس کی سلامتی ہے

تو ہے اور طوبیٰ، میں ہوں اور دوست کا قد

ہر انسان کی فکر اس کی ہمت کے اندازے کے مطابق ہے

ہر وہ نیا پھول جو چمن آرا بنا

اس کی صحبت کے رنگ وبو کا اثر ہے

ظاہری فقر کو نہ دیکھ، حافظ کا سینہ تو

اس کی محبت کا خزانہ ہے