دلم در عاشقی آوارہ شد آوارہ تر بادا

عشق میں میرے دل کی پریشانی بڑھ گئی ہے اور بڑھ جائے، معشوق کو دل دے دینے سے جسم بے چارہ یعنی بے حقیقت ہو گیا ہے۔ یہ بے چارگی اور بڑھے (عشق حقیقی میں بے چارگی بڑھنا اس کی پختگی کی دلیل ہے)۔

عاشقوں کی تباہی میں اے محبوب! تیری زلفیں چاق وچوبند ہیں وہ عشق کے مسافروں کی خوں ریزی میں تیری آنکھیں اور زیادہ چست وچالاک ہوں۔

اے زاہد! اگر تو میرے حق میں صلاح وفلاح کی دعا دینی چاہتا ہے تو اس طرح دعا دے کہ حسینوں کی گلی کا یہ آوارہ اور زیادہ آوارہ اور فرشتہ ہو (یعنی اس عاشق کی شیفتگی و دیوانگی اور بڑھ جائے)۔

اے ‘خسرو’ اگر تیری نم آنکھوں نے نم رہنے کی عادت ہی بنا لی ہے

تو ایسا ہو کہ تیرا دامن آنسؤوں سے ہمیشہ تر ہی رہے۔