از دیر مغاں آیم بے گردش صہبا مست

میں پیر مغاں کے دیر (میخانے) سے شراب پئے بغیر ہی بحالت مستی آ رہا ہوں۔ میں لا کی منزل میں الا کی شراب سے مست رہا۔

مجھے معلوم ہے کہ اس کی نگاہ ہر ایک کا ظرف دیکھ لیتی ہے۔ چنانچہ ساقی نے مجھے اپنے ناز و اداہی سے مست کر دیا ہے۔

اب وقت آ گیا ہے کہ میں مولانا روم کا میخانہ پھر سے کھول دوں۔ میں نے پیران حرم کو کلیسا کے صحن میں مست دیکھا ہ ۔

یہ کسی فلسفی کا کام نہیں ہے اس کے لیے کسی کلیم کا دامن تھام ۔ کیونکہ ساحل پر عالم کیف میں ڈوبے ہوئے سو مستوں کے مقابلے میں ایک دریا مست کہیں افضل ہے۔

میں اپنے دل کو چمن میں لے گیا وہ کھلنے کے بجائے الٹا باغ کی ہوا سے افسردہ ہو گیا ۔ صحرا میں مست رہنے والا یہ لالہ (میرا دل ) پھلواڑیوں میں مرجھا کے رہ جاتا ہے۔

اس کی دل آویز آواز سے حرم کے اسرار ظاہر ہو رہے تھے ۔ کل میں نے بطحا کی وادی میں ایک کافر کو بے خودی کے عالم میں دیکھا (اپنے متعلق کہہ رہے ہیں )۔

یہ وادی سینا ہے یا فاران کی وادی، یارب یہ کونسی جگہ ہے ۔

کہ میری خاک بدن کا ہر ذرہ آنکھ بن کر مست تماشا ہے۔