اونکار سبے کوئی سرجے راگ سُوَروپی انگ

اوم نے سب کی تخلیق کی ہے جو خود نغمے کی طرح ہے۔ وہ جسم سے بے نیاز ہے (نراکار) اور صفات سے پاک (نِرگُن) ہے۔ وہ لایموت (ابناسی) ہے۔ نام نِرنجن ہے لیکن نظروں میں طرح طرح کے روپ دھار کے سماتا ہے۔ وہ لا محدود ہے۔ لامتناہی ہے۔ لازوال ہے، وہ مہا سکھ ، مہا آنند (انتہائی سرور) کے عالم میں ناچتا ہے۔ تو بے شمار جسم موج در موج پیدا ہو جاتے ہیں۔ (انگ انگ میں نرنگ اٹھتی ہے) اس مہا سکھ اور مہا آنند کے ساتھ مل کر تن اور من اپنے آپ کو سنبھال نہیں پاتے۔ شعور اور احساس، عیش اور غم اس سے سرشار ہیں۔ (ہر انگ میں حس وحرک ہے، ہر انگ سکھ اور درد کو محسوس کرتا ہے) اس کی کوئی ابتدا نہیں ہے، کوئی انتہا نہیں ہے، وہ اپنے انبساط کے اندر سے جھلک رہا ہے۔

(نوٹ اس نظم میں لفظوں کا جو حسن اور نشہ ہے وہ ترجمے میں نقل کرنا ناممکن ہے۔ پہلے چار مصرعوں کو باربار پڑھئے تو ان کی لذت خودبخود محسوس ہونے لگے گی۔)

(ترجمہ: سردار جعفری)