watan ke muhafiz ka paigham apni man ke nam

duur rah kar tirī furqat bhī gavārā hai mujhe

ghar se to jañg kā maidāñ hī pyārā hai mujhe

mauj-e-tūfān-o-talātum bhī kinārā hai mujhe

terī mamtā kā baharhāl sahārā hai mujhe

maañ mire farz ne is vaqt pukārā hai mujhe

sāġhar-e-hubb-e-vatan aaj mirā miinā hai

ab mujhe desh ke dushman kā lahū piinā hai

dāman-e-jeb-o-garebāñ ko abhī siinā hai

hausla-mand javānoñ kī tarah jiinā hai

maañ mire farz ne is vaqt pukārā hai mujhe

azmat-e-hind ko hargiz na miTāne dūñgā

apnī shujā.at pe koī harf na aane dūñgā

tāqat zulm-o-sitam ko ab na baḌhāne dūñgā

paañv ġhairoñ ko yahāñ ab na jamāne dūñgā

maañ mire farz ne is vaqt pukārā hai mujhe

dur rah kar teri furqat bhi gawara hai mujhe

ghar se to jang ka maidan hi pyara hai mujhe

mauj-e-tufan-o-talatum bhi kinara hai mujhe

teri mamta ka baharhaal sahaara hai mujhe

man mere farz ne is waqt pukara hai mujhe

saghar-e-hubb-e-watan aaj mera mina hai

ab mujhe desh ke dushman ka lahu pina hai

daman-e-jeb-o-gareban ko abhi sina hai

hausla-mand jawanon ki tarah jina hai

man mere farz ne is waqt pukara hai mujhe

azmat-e-hind ko hargiz na miTane dunga

apni shujaat pe koi harf na aane dunga

taqat zulm-o-sitam ko ab na baDhane dunga

panw ghairon ko yahan ab na jamane dunga

man mere farz ne is waqt pukara hai mujhe