talba se KHitab

amal kī quvvat-e-pinhāñ ko āshkār kaaro

vatan ko auj-e-taraqqī se ham-kanār kaaro

sukūñ-shikan to bano sakoñ-parast nahīñ

hamesha ba-rū-e-mauj be-qarār kaaro

vatan kī naav ke to ham hī to nāḳhudā Thahre

vatan kī naav ko sāhil se ham-kanār kaaro

udaas kyuuñ ho zamāna jo sāzgār nahīñ

uTho mizāj-e-zamāna ko sāzgār kaaro

fazā meñ chhoḌ do ik naġhma-e-sukūt-shikan

ḳhud ashk-bār ho auroñ ko ashk-bār kaaro

miTā do bāġh-e-jahāñ se fasurdagī kā nishāñ

mile jo qatra-e-shabnam use sharār kaaro

tumhārā ā.īna-e-dil hai kuchh ġhubār-ālūd

tum apne ā.īna-e-dil ko tābdār kaaro

batāo ahl-e-jahāñ ko ma.ānī-e-ġham-e-ishq

har ik dil ko ġham ye de ke sogvār kaaro

tum apne dāġh-e-mohabbat ko ḳhuub chamkā ke

shuā-e-mahr-e-daraḳhshāñ ko sharmsār kaaro

tumhārī shaan ke shāyāñ nahīñ hai ye taqlīd

tum apnī quvvat-e-tajrīd āshkār kaaro

nafas nafas meñ jalā charāġh-e-rūh-e-yaqīñ

qabā-e-fikr-e-pareshāñ ko taar taar kaaro

baḌho baḌho sū-e-manzil yaqīn-o-azm ke saath

jo sañg raah meñ aa.e to sañgsār kaaro

jahāñ meñ rahne na paa.e nishān pastī kā

har ik zariye ko ḳhurshīd-e-zar-nigār kaaro

ye zindagī to ibārat hai sa.ī-e-paiham se

zarā mushāhida-e-nabz-e-ābshār kaaro

qarār maut hai insāñ kī ḳhudī ke liye

payām-e-'barq' ye hai ḳhud ko be-qarār kaaro

amal ki quwwat-e-pinhan ko aashkar karo

watan ko auj-e-taraqqi se ham-kanar karo

sukun-shikan to bano sakon-parast nahin

hamesha ba-ru-e-mauj be-qarar karo

watan ki naw ke to hum hi to naKHuda Thahre

watan ki naw ko sahil se ham-kanar karo

udas kyun ho zamana jo sazgar nahin

uTho mizaj-e-zamana ko sazgar karo

faza mein chhoD do ek naghma-e-sukut-shikan

KHud ashk-bar ho auron ko ashk-bar karo

miTa do bagh-e-jahan se fasurdagi ka nishan

mile jo qatra-e-shabnam use sharar karo

tumhaara aaina-e-dil hai kuchh ghubar-alud

tum apne aaina-e-dil ko tabdar karo

batao ahl-e-jahan ko maani-e-gham-e-ishq

har ek dil ko gham ye de ke sogwar karo

tum apne dagh-e-mohabbat ko KHub chamka ke

shua-e-mahr-e-daraKHshan ko sharmsar karo

tumhaari shan ke shayan nahin hai ye taqlid

tum apni quwwat-e-tajrid aashkar karo

nafas nafas mein jala charagh-e-ruh-e-yaqin

qaba-e-fikr-e-pareshan ko tar tar karo

baDho baDho su-e-manzil yaqin-o-azm ke sath

jo sang rah mein aae to sangsar karo

jahan mein rahne na pae nishan pasti ka

har ek zariye ko KHurshid-e-zar-nigar karo

ye zindagi to ibarat hai sai-e-paiham se

zara mushahida-e-nabz-e-abshaar karo

qarar maut hai insan ki KHudi ke liye

payam-e-'barq' ye hai KHud ko be-qarar karo