salam

more ahmad kamlī vaale tum par lākhoñ salām

abdullāh ke nūr-e-nazar ho

aamna ke laḳht-e-jigar ho

shāh-e-do-ālam ḳhairul-bashar ho

dā.ī-halīma ke paale tum par lākhoñ salām

nūr-e-ḳhudā mahbūb-e-ḳhudā ho

nām-e-mohamād salle-alā ho

rutbe meñ nabiyoñ se sivā ho

shān-e-nubuvvat vaale tum par lākhoñ salām

arsh-e-barīñ par haq ne bulāyā

jalva apnā aap dikhāyā

rutba a.alā aap ne paayā

jag ke tum ho ujāle tum par lākhoñ salām

nabiyoñ ke sartāj bane ho

ummat ke me.arāj tumhīñ ho

sab kī rakhyā laaj tumhīñ ho

ummat ke rakhvāle tum par lākhoñ salām

but-ḳhāna ko ka.aba banāyā

diin kā har-sū Dañkā bajāyā

saare jahāñ ko kalma paḌhāyā

tum ho allāh vaale tum par lākhoñ salām

har-dam chhā.ī ġham kī ghaTā hai

ummat par nāzil ye balā hai

beḌā bhañvar meñ aan phañsā hai

paḌ ga.e jaan ke laale tum par lākhoñ salām

hogā bapā jab roz-e-mahshar

tishna-lab ummat ghabrā kar

arz karegī sāqī-e-kausar

de de bhar bhar pyāle tum par lākhoñ salām

'sanjar' kī taqdīr jagā do

bigḌā har ek kaam banā do

ujḌā huā ghar is kā basā do

tum ho rahmat vaale tum par lākhoñ salām

more ahmad kamli wale tum par lakhon salam

abdullah ke nur-e-nazar ho

aamna ke laKHt-e-jigar ho

shah-e-do-alam KHairul-bashar ho

dai-halima ke pale tum par lakhon salam

nur-e-KHuda mahbub-e-KHuda ho

nam-e-mohamad salle-ala ho

rutbe mein nabiyon se siwa ho

shan-e-nubuwwat wale tum par lakhon salam

arsh-e-barin par haq ne bulaya

jalwa apna aap dikhaya

rutba aala aap ne paya

jag ke tum ho ujale tum par lakhon salam

nabiyon ke sartaj bane ho

ummat ke mearaj tumhin ho

sab ki rakhya laj tumhin ho

ummat ke rakhwale tum par lakhon salam

but-KHana ko kaba banaya

din ka har-su Danka bajaya

sare jahan ko kalma paDhaya

tum ho allah wale tum par lakhon salam

har-dam chhai gham ki ghaTa hai

ummat par nazil ye bala hai

beDa bhanwar mein aan phansa hai

paD gae jaan ke lale tum par lakhon salam

hoga bapa jab roz-e-mahshar

tishna-lab ummat ghabra kar

arz karegi saqi-e-kausar

de de bhar bhar pyale tum par lakhon salam

'sanjar' ki taqdir jaga do

bigDa har ek kaam bana do

ujDa hua ghar is ka basa do

tum ho rahmat wale tum par lakhon salam