lam-yalid wa lam yulad

ye zamīñ ye falak

un se aage talak

jitnī duniyā.eñ haiñ

sab meñ terī jhalak sab se lekin judā

ai ḳhudā ai ḳhudā

har sahr phūTtī hai na.e rañg se

sabza-o-gul khileñ sīna-e-sañg se

gūñjtā hai jahāñ tere āhañg se

jis ne kī justujū

mil gayā us ko tū sab kā tū rahnumā

ai ḳhudā ai ḳhudā

har sitāre meñ ābād hai ik jahāñ

chāñd-sūraj tirī raushnī ke nishāñ

pattharoñ ko bhī tū ne atā kī zabāñ

jānvar aadmī

kar rahe haiñ sabhī terī hamd-o-sanā

ai ḳhudā ai ḳhudā

nuur hī nuur bikhrā hai kālik nahīñ

dūsrā koī hadd-e-gumāñ tak nahīñ

terī vahdāniyat meñ koī shak nahīñ

laakh hoñ sūrateñ

ek hī rañg meñ tū hai jalva-numā

ai ḳhudā ai ḳhudā

sauñp kar mansab-e-ādamiyat mujhe

tū ne baḳhshī hai apnī ḳhilāfat mujhe

shauq-e-sajda bhī kar ab ināyat mujhe

ḳham rahe merā sar

terī dahlīz par hai yahī iltijā

ai ḳhudā ai ḳhudā

ye zamin ye falak

un se aage talak

jitni duniyaen hain

sab mein teri jhalak sab se lekin juda

ai KHuda ai KHuda

har sahr phuTti hai nae rang se

sabza-o-gul khilen sina-e-sang se

gunjta hai jahan tere aahang se

jis ne ki justuju

mil gaya us ko tu sab ka tu rahnuma

ai KHuda ai KHuda

har sitare mein aabaad hai ek jahan

chand-suraj teri raushni ke nishan

pattharon ko bhi tu ne ata ki zaban

jaanwar aadmi

kar rahe hain sabhi teri hamd-o-sana

ai KHuda ai KHuda

nur hi nur bikhra hai kalik nahin

dusra koi hadd-e-guman tak nahin

teri wahdaniyat mein koi shak nahin

lakh hon suraten

ek hi rang mein tu hai jalwa-numa

ai KHuda ai KHuda

saunp kar mansab-e-adamiyat mujhe

tu ne baKHshi hai apni KHilafat mujhe

shauq-e-sajda bhi kar ab inayat mujhe

KHam rahe mera sar

teri dahliz par hai yahi iltija

ai KHuda ai KHuda