baba guru nanak

āshnā-e-rāz-e-vahdat kashif-e-sirr-e-ḳhafī

daulat-e-irfāñ ba-unvān-e-digar tujh ko milī

rāhat-e-qalb-o-jigar mehrāb-e-jāñ ke pesh-imām

nek fitrat nek sūrat nek ḳhaslat nek naam

dardmandoñ ke masīhā bekasoñ ke chāragar

shaam kī tārīkiyoñ meñ jalva-e-nūr-e-sahar

qāfilā-e-sālār-e-millat nā-ḳhudā-e-mulk-o-qaum

ḳhizr-e-manzil rahbar-e-dānā asā-e-mulk-o-qaum

sar pe dastār-e-fazīlat ruḳh pe nūr-e-kā.enāt

vāqa.ī sad lā.eq-e-tāzīm hai terī hayāt

lafz-e-ulfat kī mukammal sharh ik terā vajūd

āshiqī meñ toḌ Dālīñ zāhirī saarī quyūd

thā tavakkul aur istiġhnā shi.ār-e-zindagī

bhuuk kī shiddat meñ ik daane kī bhī ḳhvāhish na kī

tere qadmoñ pe shahanshāhoñ kī peshānī jhukī

al-ġharaz hastī tirī sad lā.eq-e-tahsīn thī

peshvā rahbar guru darvesh aamil aur faqīr

tujh ko hāsil the ye rutbe ai amīroñ ke amiir

haiñ amal-pairā tirī ta.alīm par ahal-e-tamīz

isliye haiñ aaj bhī duniyā meñ vo har dil 'azīz'

aashna-e-raaz-e-wahdat kashif-e-sirr-e-KHafi

daulat-e-irfan ba-unwan-e-digar tujh ko mili

rahat-e-qalb-o-jigar mehrab-e-jaan ke pesh-imam

nek fitrat nek surat nek KHaslat nek nam

dardmandon ke masiha bekason ke chaaragar

sham ki tarikiyon mein jalwa-e-nur-e-sahar

qafila-e-salar-e-millat na-KHuda-e-mulk-o-qaum

KHizr-e-manzil rahbar-e-dana asa-e-mulk-o-qaum

sar pe dastar-e-fazilat ruKH pe nur-e-kaenat

waqai sad laeq-e-tazim hai teri hayat

lafz-e-ulfat ki mukammal sharh ek tera wajud

aashiqi mein toD Dalin zahiri sari quyud

tha tawakkul aur istighna shiar-e-zindagi

bhuk ki shiddat mein ek dane ki bhi KHwahish na ki

tere qadmon pe shahanshahon ki peshani jhuki

al-gharaz hasti teri sad laeq-e-tahsin thi

peshwa rahbar guru darwesh aamil aur faqir

tujh ko hasil the ye rutbe ai amiron ke amir

hain amal-paira teri talim par ahal-e-tamiz

isliye hain aaj bhi duniya mein wo har dil 'aziz'