یا علیِ مرتضیٰ یوں تو کیا دیکھا نہیں

یا علیِ مرتضیٰ یوں تو کیا دیکھا نہیں

ہاں مگر ہارونِ احمد آپ سا دیکھا نہیں

اک سے اک دیکھے بہادر اس جہاں میں ہاں مگر

مثلِ حیدر کوئی دوجا سورما دیکھا نہیں

رب کرے اندھی وہ آنکھیں حشر کے دن بھی رہے

خم میں سب دیکھا تھا جس نے پر کہا دیکھا نہیں

یوں تو اصحابِ پیمبر محترم ہیں ہاں مگر

بعدِ احمد مرتضیٰ سا دوسرا دیکھا نہیں

شانِ حیدر میں حدیثیں جتنی آئی اتنی بھی

اوروں کی خاطر تو ہم نے ہاں سنا دیکھا نہیں

راہِ حق میں ہر ولی نے ہاں ہاں بولا ہے یہی

حیدر و صفدر سا ہم نے رہنما دیکھا نہیں