عکسِ حسنِ سیدالابرار ہے مسلم پیا

عکسِ حسنِ سیدالابرار ہے مسلم پیا

شاہکارِ حیدرِ کرار ہے مسلم پیا

سرورِ کون و مکاں سے آپ تک بابا حضور

کتنی اونچی آپ کی سرکار ہے مسلم پیا

کہہ دیا ہر ایک نے آخر زبانِ حال سے

ہاں یقیناً صاحبِ کردار ہے مسلم پیا

رتبہ شاہِ بکوا کا پوچھے تو کہہ دینا یہی

عارفِ حق معدنِ اسرار ہے مسلم پیا

اپنے تو اپنے مگر غیروں کو بھی جس نے دیا

وہ سخی ابنِ سخی دلدار ہے مسلم پیا

نور سے معمور ہے روضہ ترا مسلم پیا

اللہ اللہ کیا حسیں دربار ہے مسلم پیا

چشمِ بینائی ہے کم اب اس کا کیا چارہ کروں

اب دوا تو بس ترا دیدار ہے مسلم پیا

دل کو اب کوئی بھی شے بھاتی نہیں آقا مرے

دل کو اب بس تو ہی تو درکار ہے مسلم پیا

رب کرے وہ مبتلا ہر دم رہے یہ ہے دعا

جو محبت میں تری بیمار ہے مسلم پیا