مجھ کو دنیا کا کچھ ملے نہ ملے
مجھ کو دنیا کا کچھ ملے نہ ملے
شہر طیبہ کا آب و دانہ ملے
نعت پڑھتا ہوں اس لیے تا کہ
مغفرت کا حسیں بہانہ ملے
اس کی پیشانی چوم لوں گا میں
جس کا انداز ناصحانہ ملے
جس جگہ آتے ہیں ملک اکثر
اس جگہ مجھ کو بھی ٹھکانہ ملے
جس کو نسبت ہے چار یاروں سے
اس کو کیسے نہ آشیانہ ملے
اتنی کرتا ہوں التجا یا رب
مہرباں مجھ پہ اک زمانہ ملے
حشر کے روز اے مرے مولیٰ
سب کو آقا کا شامیانہ ملے
جان و دل سب لٹا دے اے عنبرؔ
جب نبی کا کوئی گھرانہ ملے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
