نہ کیسے کروں میں ثنائے محمد
نہ کیسے کروں میں ثنائے محمد
دل و جاں ہیں میرے فدائے محمد
بناؤں گا آنکھوں کا سرمہ یقینا
میسر ہو گر خاک پائے محمد
نچھاور ہوں ان پر ہماری یہ آنکھیں
جو آنکھیں ہیں محوِ لقائے محمد
نہیں جس کا کوئی بھی غمخوار و حامی
انہیں بھی تو دل سے لگائے محمد
خدا چاہتا ہے وہی خلق مانے
کہ جو کچھ بھی اس سے بتائے محمد
خدا کو کسی نے بھی دیکھا نہیں ہے
سوائے محمد سوائے محمد
یہ ثمرہ ہے ماں کی دعاؤں کا عنبرؔ
جو کرتا ہوں میں بھی ثنائے محمد
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
