یا رب یہ زندگی کا سفر یوں تمام ہو

یا رب یہ زندگی کا سفر یوں تمام ہو

کعبہ میں صبح ہو تو مدینہ میں شام ہو

جن عاصیوں کو ڈھونڈ رہا ہے ترا کرم

ان عاصیوں میں کاش ہمارا بھی نام ہو

دل کو بنائے بیٹھا ہوں ایوب کا مکاں

سرکار اس میں بھی تو کسی دن قیام ہو

مل جائیں گی سکون کی راہیں جہان کو

نافذ اگر جہاں میں نبی کا نظام ہو

جو لگ گیا ہو آپ کے نعلینِ پاک سے

وہ ذرہِ حقیر بھی ماہِ تمام ہو

مجبورِ غم پڑے ہیں مدینہ سے دور ہم

مقبولِ بارگاہ ہمارا سلام ہو

دونوں جہان میں ہے وہی سرخرو نسیمؔ

جس کی نظر میں فرقِ حلال و حرام ہو