یہ عالم میں ہے افسانہ معین_الدین چشتی کا

یہ عالم میں ہے افسانہ معین الدین چشتی کا

کہ ہے دربار شاہانہ معین الدین چشتی کا

جسے سودائی سمجھو واقف اسرار خالق ہے

ہر اک عاقل ہے دیوانہ معین الدین چشتی کا

جو اندھے ہیں انہیں آنکھیں خدا بینی کی ملتی ہیں

یہ ہے کار مسیحانہ معین الدین چشتی کا

ہر اک طالب کو اس جا ساغر عرفان ملتا ہے

سدا جاری ہے مے خانہ معین الدین چشتی کا

نعیمؔ خوش بیاں لا ریب وہ شمع تجلی ہیں

ہمارا دل ہے پروانہ معین الدین چشتی کا