جو مرضی مصطفیٰ کی ہے وہی مرضی خدا کی ہے

جو مرضی مصطفیٰ کی ہے وہی مرضی خدا کی ہے

بڑی عزت خدا کے ہاں رضائے مصطفیٰ کی ہے

رضائے مصطفیٰ کو دیکھ اگر تو اہل سنت ہے

کہ اس کو دیکھنا سنت جناب کبریا کی ہے

یہ اجرائے ’’رضائے مصطفیٰ‘‘ اک کارنامہ ہے

کہ یہ سنت خدا کی اہلِ سنت نے ادا کی ہے

لبِ احمد کے ہلتے ہی اجابت دوڑتی آئی

خدا نے پوری کر دی جو محمد نے دعا کی ہے

برابر عرش کے ممکن نہیں ہے فرش ہو جائے

کہاں آقا کہاں بندہ وہ نوری ہیں یہ خاکی ہے

بشیرؔ اللہ کو محبوب ہے محبوب کی سیرت

شریعت جس کو کہتے ہیں وہ نقل ان کی ادا کی ہے