کیونکر ہو نعت سرور عالی جناب کی

کیوں کر ہو نعت سرور عالی جناب کی

ذرے سے مدح کیا ہوا بھلا آفتاب کی

بعد خدا ہے آپ ہی کی ذات مستطاب

وہ شان ہے ہمارے رسالت مآب کی

احمد شہ لولاک شہ عرش نشیں ہیں

دریائے شریعت کے وہی در ثمیں ہیں

کیا نعت بھلا شاد ادا مجھ سے ہو ان کی

دنیا کے وہ سردار وہی سرور دیں ہیں

جلد آئے میرے واسطے اے دن مولیٰ

جاؤں میں ہند سے سوئے بطحا

اور روضہ پہ جاکر کہوں بادل شاد

یا سید مکی مدنی صل علیٰ

نعلین رسول چتر شاہی میرا

سرتاج یہ تاج کج کلاہی میرا

میں حمد خدا و نعت گوئی سے ہوں شادؔ

ہو خاتمہ بالخیر الٰہی میرا

میخوار ترے عشق کے ہر دم رہیں مست

مستی ہو نہ کم ان کی طبیعت نہ ہو پست

خم منہ سے لگا رہے ترے مستوں کے

اے ساقیٔ کوثر ہو یہی بند و بست