جاری ہے ہر زبان پہ چرچا حسین کا

جاری ہے ہر زبان پہ چرچا حسین کا

کتنا عظیم و اعلیٰ ہے رتبہ حسین کا

نبیوں کا بھی امام ہے نانا حسین کا

اور ہے امام ولیوں کا بابا حسین کا

عشاق اہل بیت ہی جنت میں جائیں گے

ٰدعوی مرے نبی کا ہے ٰدعوی حسین کا

نام حسین سنتے ہی جل بھن کے مر گئے

اب تک یزیدیوں پہ ہے غلبہ حسین کا

روشن ہیں چاند تارے بھی نور حسین سے

اتنا حسین چہرا ہے چہرا حسین کا

گزرے تھے جس سے لے کے وہ خوشبوئے جسم پاک

اب تک مہک رہا ہے وہ کوچہ حسین کا

جس کو حسین لفظ سے کچھ واسطہ نہیں

کیسے سمجھ وہ پائے گا معنی حسین کا

شایانؔ اہل بیت سے الفت انہیں کو ہے

جنت میں جو اٹھائیں گے جھنڈا حسین کا