تو شان_شاہ_فغفوری معین_الدین اجمیری

تو شان شاہ فغفوری معین الدین اجمیری

ولایت ہند ہے تیری معین الدین اجمیری

اسی کے دامن خواہش میں دولت لا زوالی ہو

حضوری ہو جسے تیری معین الدین اجمیری

مشرف جو زیارت سے تری روضہ کے ہو آیا

ہوا ناری سے وہ نوری معین الدین اجمیری

دیا ہے فخر تجھ کو حق نے سارے اولیاؤں پر

نہیں ثانی کوئی تیری معین الدین اجمیری

حروف مات فی وجہ اللہ تیرے سوا کس کے

جبیں پر لکھ چکا باری معین الدین اجمیری

عدو تو تھا ہی گردوں یہ زمیں بھی ہو گئی دشمن

مدد فرماؤ تم میری معین الدین اجمیری

تلاطم بحر گرداب بلا ہے ڈوبی جاتی ہے

تو کشتی پار کر میری معین الدین اجمیری

نزول مہربانی سے دل مغموم مضطر کے

خدا را کر تو مسروری معین الدین اجمیری