اے علاؤ_الدین صابر وہ ترا دربار ہے

اے علاؤ الدین صابر وہ ترا دربار ہے

جو یہاں تک آگیا بس اس کا بیڑا پار ہے

بے کلی دل کی بڑھی جاتی ہے مولا ہجر میں

جانیں کیسا درد ہے یہ جانیں کیا آزار ہے

مے کدہ کلیر کا ہم مستوں سے چھوٹے کس طرح

بے پیے بھی دل یہاں ہر ایک کا سرشار ہے

ہے بھنور میں اپنی کشتی اور دریا کا یہ رنگ

زور پر سیلاب ہے طوفان ہے منجدھار ہے

دستگیری کیجیے اے دستگیر بے کساں

ڈوبتا ہوں نا خدائی آپ کی درکار ہے

درد ہجراں کا ترے ہو جائے گا اے دل علاج

صبر کر تو صبر کر صابر ترا غم خوار ہے