بھرا ہے الفتِ حیدر سے سینہ

بھرا ہے الفتِ حیدر سے سینہ

نہیں سینہ نجف کا ہے نگینہ

نمایاں یاں بھی شان احمدی ہے

نجف کو بھی سمجھتا ہوں مدینہ

بنا کر ان کو نقاشِ ازل نے

نہ کھینچی ایسی تصویر حسینہ

یہ ہے معمور فیض انبیا سے

مرا سینہ ہے تابوت سکینہ

مجازی عشق سب کہتے ہیں جس کو

یہی بامِ حقیقت کا ہے زینہ

نہ ہوگا غرق وہ بحر الم میں

جو سمجھے آل احمد کو سفینہ

تڑپتا ہے بشوق وصل شاہا

تمہارا اشرفیؔ بندہ کمینہ