یہ حلیمہ کہہ رہی تھیں مری گل عذار سو جا

یہ حلیمہ کہہ رہی تھیں مری گل عذار سو جا

مری نور عین سو جائے میرے شیرخوار سو جا

ہے یہ عین وقت راحت مرے سینہ سے لپٹ جا

آنکھوں میں نیند کا ہے تیرے خمار سو جا

تری چاند سی جبیں پر مری روح ہو تصدق

تری مست انکھڑیوں پر مری جان نثار سو جا

کیا جانے کیا کریں گی تری شرمگیں نگاہیں

ہیں یہ غافلوں کے حق میں بڑی ہوشیار سو جا

جھولا جھلا رہے تھے کہہ کہہ کے یہ فرشتے

آرام کر حبیب پروردگار سو جا

ہوا ورم پائے شبہ پرتو کہا خدا نے اکبرؔ

ترا اتنا جاگنا ہے مجھے نا گوار سو جا