kahon kya haal zahid wadi-e-taiba ki nuzhat ka

kahoñ kyā haal zāhid vādī-e-taiba kī nuzhat kā

ki hai ḳhuld-e-barīñ chhoTā sā TukḌā merī jannat kā

bulāte haiñ usī ko jis kī pagḌī vo banāte haiñ

kamar bandhnā dayār taiba ko khulnā hai qismat kā

na kar rusvā-e-mahshar vāsta mahbūb kā yā-rab

ye mujrim duur se aayā hai sun kar naam rahmat kā

murādeñ māñgne se pahle miltī haiñ madīna meñ

hujūm-e-jūd ne rokā hai baḌhnā dast-e-hājat kā

shab-e-asrā tire jalve ne kuchh aisā samāñ bāñdhā

ke ab tak 'arsh ā'zam muntazir muntazir tairī terī kā kā

yahāñ ke Dūbte dam meñ udhar jā kar ubharte haiñ

kinārā ek hai nahr-e-nadāmat bahr-e-rahmat kā

ġhanī hai dil bharā hai ne'amat-e-kaunain se dāman

gadā huuñ maiñ faqīr-e-āstān-e-ḳhud badaulat kā

ilāhī bā'd-e-murdan parda-hā-e-hā.il uTh jaa.eñ

ujālā mere marqad meñ ho un kī sham'-e-qurbat kā

sunā hai roz-e-mahshar aap hī kā muñh takeñge sab

kahāñ puurā huā matlab dil-e-mushtāq-e-rūyat kā

hameñ bhī yaad rakhnā sakinān-e-khūcha-e-jānāñ

salām-e-shauq pahuñche be-kasān-e-dast-e-ġhurbat kā

'hasan' sarkār-e-taiba kā 'ajab darbār-e-'ālī hai

dar-e-daulat pe ik melā lagā hai ahl-e-hājat kā

kahon kya haal zahid wadi-e-taiba ki nuzhat ka

ki hai KHuld-e-barin chhoTa sa TukDa meri jannat ka

bulate hain usi ko jis ki pagDi wo banate hain

kamar bandhna dayar taiba ko khulna hai qismat ka

na kar ruswa-e-mahshar wasta mahbub ka ya-rab

ye mujrim dur se aaya hai sun kar nam rahmat ka

muraden mangne se pahle milti hain madina mein

hujum-e-jud ne roka hai baDhna dast-e-hajat ka

shab-e-asra tere jalwe ne kuchh aisa saman bandha

ke ab tak 'arsh aa'zam muntazir muntazir tairi teri ka ka

yahan ke Dubte dam mein udhar ja kar ubharte hain

kinara ek hai nahr-e-nadamat bahr-e-rahmat ka

ghani hai dil bhara hai ne'amat-e-kaunain se daman

gada hun main faqir-e-astan-e-KHud badaulat ka

ilahi ba'd-e-murdan parda-ha-e-hail uTh jaen

ujala mere marqad mein ho un ki sham'-e-qurbat ka

suna hai roz-e-mahshar aap hi ka munh takenge sab

kahan pura hua matlab dil-e-mushtaq-e-ruyat ka

hamein bhi yaad rakhna sakinan-e-khucha-e-jaanan

salam-e-shauq pahunche be-kasan-e-dast-e-ghurbat ka

'hasan' sarkar-e-taiba ka 'ajab darbar-e-'ali hai

dar-e-daulat pe ek mela laga hai ahl-e-hajat ka