کیوں پریشاں ہے طبیعت آج کل

کیوں پریشاں ہے طبیعت آج کل

کیا کسی سے ہے محبت آج کل

اللہ اللہ کس قدر مرغوب ہے

اس کا نقشہ اس کی صورت آج کل

دل میں حسرت ہے کہ پھر دیکھوں اسے

دل پہ ہے جس کی حکومت آج کل

سامنے اس کے نہ لینا میرا نام

دل میں رکھتا ہے کدورت آج کل

دل لگانے کا یہی انجام ہے

ہے مصیبت پر مصیبت آج کل

راز الفت اب بھلا کیسے چھپے

ہے عیاں سب پر حقیقت آج کل

رنگ تو اچھے ہیں سب دل کو مگر

بھا گئی ہے کالی رنگت آج کل

کیا اب بھی باقی ہے کچھ جور و ستم

اس قدر کیوں ہے عنایت آج کل

اب دل مشتاقؔ کا حافظ خدا

لے گیا اک بے مروت آج کل