ابھی کیا کریں ضبط محبت میں تو مرتے ہیں

ابھی کیا کریں ضبط محبت میں تو مرتے ہیں

کہ نالے بن بن کر کلیجہ میں اترتے ہیں

جفا پر جان دیتے ہیں ستم پر پڑے مرتے ہیں

یہ ناکام محبت سچ تو یہ ہے کام کرتے ہیں

کہیں کیا ہم پہ جو صدمے گزرتے ہیں

لگایا جس گھڑی دل اس گھڑی کو یاد کرتے ہیں

پئے تعظیم اٹھی ہے قیامت کوئے جانا میں

اجل کہتی ہے بسم اللہ جہاں ہم یاد دھرتے ہیں

نہ پوچھو کچھ مصیبت درد مندان محبت کی

خدا پر خوب روشن ہے گزر جس طرح کرتے ہیں

یہاں تک بد گماں ہیں میرے مرغ نامہ بر سے وہ

کہ پہلے ذبح کرتے ہیں تو پیچھے پر کترتے ہیں

تمہاری بد مزاجی سے ہمیں کیوں کر نہ خوف آئے

مثل مشہور ہے صاحب برے سے سب ہی ڈرتے ہیں

نہ پوچھو داغؔ ہم سے انتظار یار کی صورت

یہ آنکھیں جانتی ہیں خوب جو نقشے گزرتے ہیں