iman mein shigaf amal mein KHalal paDa

īmān meñ shigāf 'amal meñ ḳhalal paḌā

parde se jab vo nūr-e-mujassam nikal paḌā

aa.ī ajal to dekh ke ik dam uchhal paḌī

jis dam zabāñ se merī anal-haq nikal paḌā

qurbān aisī shān-e-karīmī ke jā.iye

mahshar meñ rahmatoñ kā samundar ubal paḌā

manzil kahāñ kī justujū kaisī kahāñ kā 'ishq

jis samt se maiñ niklā usī samt chal paḌā

ye apne dahriyāna ḳhayāloñ ko dekh kar

iblīs ko ghamanD thā vo bhī uchhal paḌā

ganj-e-ḳhafī meñ 'ālam tanhā.ī saḳht thī

is vāste vo ḳhaak ke sāñche meñ Dhal paḌā

'rizvāñ' na hogī ḳhatm kabhī apnī justujū

ek nukta hal huā nayā nukta nikal paḌā

iman mein shigaf 'amal mein KHalal paDa

parde se jab wo nur-e-mujassam nikal paDa

aai ajal to dekh ke ek dam uchhal paDi

jis dam zaban se meri anal-haq nikal paDa

qurban aisi shan-e-karimi ke jaiye

mahshar mein rahmaton ka samundar ubal paDa

manzil kahan ki justuju kaisi kahan ka 'ishq

jis samt se main nikla usi samt chal paDa

ye apne dahriyana KHayalon ko dekh kar

iblis ko ghamanD tha wo bhi uchhal paDa

ganj-e-KHafi mein 'alam tanhai saKHt thi

is waste wo KHak ke sanche mein Dhal paDa

'rizwan' na hogi KHatm kabhi apni justuju

ek nukta hal hua naya nukta nikal paDa