fanā koī koī baqā chāhtā hai
mirā dil mirā dilrubā chāhtā hai
jo dushman burā chāhe merā to kyā ho
vo hotā hai jo kuchh ḳhudā chāhtā hai
tu hai kārsāz aur banā.e se tere
mirā kaam bigḌā banā chāhtā hai
bas ab bulbuleñ chahchahā.eñgī har sū
ki gulshan meñ har gul khilā chāhtā hai
merā dil tasavvur meñ us sham'-rū ke
patañge kī sūrat jalā chāhtā hai
anā lailā niklegā har mū-e-tan se
ki ab qais lailā banā chāhtā hai
dilā maut aane se pahle hī mar jā
agar zindagī kā mazā chāhtā hai
ḳhayāloñ meñ nazroñ meñ dil meñ hai dilbar
'hafīz' ab bhalā aur kyā chāhtā hai
fana koi koi baqa chahta hai
mera dil mera dilruba chahta hai
jo dushman bura chahe mera to kya ho
wo hota hai jo kuchh KHuda chahta hai
tu hai karsaz aur banae se tere
mera kaam bigDa bana chahta hai
bas ab bulbulen chahchahaengi har su
ki gulshan mein har gul khila chahta hai
mera dil tasawwur mein us sham'-ru ke
patange ki surat jala chahta hai
ana laila niklega har mu-e-tan se
ki ab qais laila bana chahta hai
dila maut aane se pahle hi mar ja
agar zindagi ka maza chahta hai
KHayalon mein nazron mein dil mein hai dilbar
'hafiz' ab bhala aur kya chahta hai
- Book : Majmua-e-Qawwali, Part 4 (Pg. 11)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
