آمد آمد ہے گلستاں میں یہ کس گل کی نسیم

آمد آمد ہے گلستاں میں یہ کس گل کی نسیم

کیوں یہ مرغانِ چمن نغمہ سرا ہوتے ہیں

کیوں رہِ عشق میں آفات سے گھبرائیں ہم

راہی منزل تسلیم و رضا ہوتے ہیں

برچھیاں رنج کی چل جاتی ہیں میرے دل پر

غیر سے آپ کے جب ناز و ادا ہوتے ہیں

خاکساروں کو جو دو بوسہ تو رخ پائے جلا

اے صنم خاک سے آئینہ صفا ہوتے ہیں

ہے عجب اس سے کہ وافیؔ سے کیا وعدہ وفا

بے وفاؤں سے کہیں وعدے وفا ہوتے ہیں