مجھ کو کافی ہے یہ سنگ در جانانہ مرا

مجھ کو کافی ہے یہ سنگ در جانانہ مرا

یہی کعبہ ہے مرا اور ہی بت خانہ مرا

میں یہ سمجھوں کہ ملی ہے مجھے معراج حیات

گر وہ اک بار بھی کہہ دیں یہ ہے دیوانہ مرا

آج کچھ اشک سے آکر سر مژگاں ٹھہرے

انہیں اشکوں میں نظر آتا ہے افسانا مرا

وہی مستی ہے میری اور وہی مدہوشی ہے

وہی ساقی ہے مرا اور وہی مے خانہ مرا

رازؔ اس راز کو کیا سمجھیں گے دنیا والے

میری شاہی ہے یہی حال فقیرانہ مرا