کشتی ہے سکوں کی موجوں میں اتنا ہی سہارا کافی ہے

کشتی ہے سکوں کی موجوں میں اتنا ہی سہارا کافی ہے

میرے لیے تو اے جان جہاں بس نام تمہارا کافی ہے

اب کون بھنور کی فکر کرے اب کون بلائے طوفاں کو

جب ڈوبنا ہی مقدر ٹھہرا تو پھر یہ کنارہ کافی ہے

مے خانے میں آئے ہیں یونہیں ساقی سے غرض کوئی نہیں

مستی کے لیے مستی کی قسم یہ ذوق ہمارا کافی ہے

اے صاحب دل اے اہل نظر رازؔ کی باتیں بھی کہہ دوں

جو رازؔ کہ ہے پردے میں نہاں اس کا ہی اشارہ کافی ہے