شکلوں کے اختلاف سے دھوکا نہ کھائیے

شکلوں کے اختلاف سے دھوکا نہ کھائیے

وہ جس لباس میں بھی ہو پہچان جانیے

مجھ میں سما کے مجھ میں ہی روپوش ہو گئے

اس درد دل فریب پے قربان جائیے

کس کا وصال کیسی طلب کیسی آرزو

سب کچھ یہی ہے خود کو اگر بھول جائیے

تیرا خیال تیرا کرم تیرا آستاں

دیوانے نگار عشق کو کیا اور چاہیے

مقصود دو جہاں ہے فقط تیرا چاہنا

چاہیے جو تو ہمیں تو اور کیا چاہیے

رہ جائے میری بات بھی پردہ بھی آپ کا

آنا ہے آپ نے تو تصور میں آئیے

دیکھا اٹھا کہ آنکھ یوں گر پڑے تھے کلیم

گزری تھی کیا جناب پر تجھ کو بتائیے

ساجدؔ سمجھ میں آئے گا تب وحدت الوجود

پہلے خیال غیر کو دل سے مٹائیے