نہ تو چین کے کسی "نقش گر" سے ہوا یہ کارفسوں گری

نہ تو چین کے کسی نقش گر سے ہوا یہ کارفسوں گری

نہ پہنچ سکا ترے حسن کو وہ کمال صنعتِ آذری

یہ ہے شرط دین محمدی نہ تو ظلم ڈھا نہ تو قتل کر

مجھے عشق ہے تو برا ہے کیا کہ مرا طریق ہے کافری

یہ عجیب حال ہے آج کیوں مرے اشک چشم سے ہیں رواں

مرے دل کو آج یہ کیا ہوا کہیں آ گیا مرا لشکری

یہ جو دل میں عشق کے داغ ہیں انہیں حسن والوں نے ہیں دیے

مری بے کسی کو تو دیکھیے کہ ملی ہے ان کو ہی داوری

تو غلام عشق ہو خسروا یہ رضائے دوست ہے سر جھکا

نہ خرد کی سن تو حکایتیں کہ حدیث عقل ہے سرسری